2020 оны зуны олимпд 15 спортын төрөл шинээр нэмэгдэнэ

2017-06-16 12:05
2020 оны зуны олимпд 15 спортын төрөл шинээр нэмэгдэнэ

Олон улсын Олимпын хорооноос “Токио-2020” зуны олимпийн наадмын хөтөлбөрт спортын 15 төрөл шинээр багтаалаа. Швейцарын Лозанна хотод өчигдөр болсон ОУОХ-ны Гүйцэтгэх зөвлөлийн ээлжит хуралдаанаар энэ асуудлыг хэлэлцжээ. Хэдий спортын төрлийн тоог нэмэгдүүлж байгаа ч зуны 32 дахь удаагийн олимпийн наадамд оролцох тамирчдын тоо Риогийн олимптой харьцуулахад цөөрнө гэж мэргэжилтнүүд үзэж байна.

 

Токиогийн олимпийн наадамд хөнгөн атлетикийн төрөлд 4*400 м буухиа гүйлт, жүдо болон байт харвааны холимог багийн төрлүүд, сагсан бөмбөгийн 3*3 тоглолт, ширээний теннисны холимог хосын төрөл зэрэг спортын 15 төрөл шинээр нэмэгдэнэ.

 

Хэдий спортын төрөл нэмэгдсэн ч, “Токио-2020” олимпийн наадамд оролцох тамирчдын квот цөөрсөн байна. Тодруулбал, Риогийн олимптой харьцуулахад хөнгөн атлетикийн тамирчдын квот 105-аар, чөлөөт бөхийнх – 56, дарвуулт завь болон байт харвааны төрөлд тус бүр 30 квотоор цөөрчээ.

Ээлжит зуны олимпийн наадам 2020 оны 7-р сарын 24-нөөс 8-р сарын 9-ний өдрүүдэд Японы нийслэл Токио хотод болно. Урьдчилсан байдлаар наадамд 205 орны 12,500 тамирчин оролцох төлөвтэй байна.

Та алдаатай текст байвал идэвхжүүлээд Ctrl+Enter дарж илгээнэ үү.
Та мэдээ илгээх бол энд дарж илгээнэ үү.

Төстэй сэдэв

Сэтгэгдэл илгээх 0 Таны сэтгэгдэл бусдад нөлөөлөх хүчтэй
Сэтгэгдэлүүд
Нийт: (0)

 

АНХААРУУЛГА: Уншигчдын бичсэн сэтгэгдэлд ekhsurvalj.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 80127556 утсаар хүлээн авна.