Батлан хамгаалахын сайд Н.Энхболд БНХАУ-д айлчлал хийлээ

2018-05-29 17:52

         БНХАУ-ын Батлан хамгаалахын сайд,хурандаа генерал Вэй Фөнхөгийн урилгаар Монгол Улсын Батлан хамгаалахын сайд Н.Энхболд 5 дугаар сарын 24-29-ний өдрүүдэд БНХАУ-д албан ёсны айлчлал хийлээ.

 

         Уулзалтаар сайдууд хоёр орны Батлан хамгаалах салбарын харилцаа хамтын ажиллагааны талаар харилцан сонирхсон асуудлууд болон бүс нутгийн нөхцөл байдлын талаар санал солилцоод төгсгөлд нь БНХАУ-ын БХЯ-наас манай улсын БХЯ-нд цэргийн буцалтгүй тусламж олгох тухай хэлэлцээрт гарын үсэг зурсан юм.

 

         Үүний дараа БНХАУ-ын Цэргийн төв зөвлөлийн орлогч дарга,хурандаа генерал Шюй Чилян Батлан хамгаалахын сайд Н.Энхболдыг хүлээн авч уулзаж, хоёр улсын цэргийн хамтын ажиллагааны талаар санал солилцсон юм.

 

         Мөн айлчлалын хугацаанд Батлан хамгаалахын сайд Н.Энхболд Жанжякөү хотын Жанбэй хошуун дахь Монгол-Зөвлөлтийн амь үрэгдсэн дайчдын хөшөөнд цэцэг өргөж, тус цогцолборт байрладаг музейд Чөлөөлөх дайны үед хэрэглэж байсан монгол цэрэг дайчдын зэвсэг,  хувцас, хэрэглэлийг шилжүүлэн өглөө. Мөн Жухай дахь Макаогийн цэргийн ангийн сургалтын төв, Шэньжэнь хот дахь “Hytera” холбооны техник, хэрэгслийн компани болон “Поли” батлан хамгаалах аж үйлдвэрийн компанийн үйл ажиллагаатай тус тус танилцсан юм.

 

         Батлан хамгаалахын сайдыг дагалдаж БХЯ-ны Төрийн нарийн бичгийн дарга бригадын генерал Х.Батбилэг, ЗХЖШ-ын нэгдүгээр орлогч дарга, хошууч генерал Р.Сүхбат, БХЯ-ны БХЗГ-ын дарга, хурандаа Х.Батсайхан, БХЯ-ны ГХАГ-ын даргын үүргийг түр орлон гүйцэтгэгч, дэд хурандаа Э.Гансүх, ЗХЖШ-ын АТГ-ын дарга, бригадын генерал М.Эрдэнэдалай, БХАҮН-ийн ерөнхий захирал С.Баасанхүү, ХЗЦ-ийн Ажиллагааны дэмжлэгийн хэлтсийн инженерийн албаны дарга, хурандаа Ц.Ганхөлөг, Зэвсэгт хүчний 331 дүгээр ангийн захирагч, хурандаа Ц.Буянтогтох албан ёсны айлчлалд оролцож байна.  

 

 

  

Та алдаатай текст байвал идэвхжүүлээд Ctrl+Enter дарж илгээнэ үү.
Та мэдээ илгээх бол энд дарж илгээнэ үү.

Төстэй сэдэв

Сэтгэгдэл илгээх 0 Таны сэтгэгдэл бусдад нөлөөлөх хүчтэй
Сэтгэгдэлүүд
Нийт: (0)

 

АНХААРУУЛГА: Уншигчдын бичсэн сэтгэгдэлд ekhsurvalj.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77114907 утсаар хүлээн авна.