ТАНКЧИД ӨМНӨХ ЖИЛҮҮДИЙНХЭЭ АМЖИЛТЫГ АХИУЛАН ХАГАС ШИГШЭЭД ШАЛГАРЧ ҮЛДЛЭЭ

2018-08-08 10:55


  ОХУ-ын Батлан хамгаалах яамны санаачлагаар  дэлхийн 7 оронд нэгэн зэрэг зохиогдож буй Цэргийн дөрөвдүгээр их наадамд Монгол улсын Зэвсэгт хүчний баг тамирчид амжилттай оролцож байна.



 

     "Танкийн биатлон", "Мэргэн буудагчийн зааг" тэмцээнүүдэд оролцож буй баг тамирчид хагас шигшээ тэмцээнүүдэд шалгаран дараагийн шатны тэмцээнд оролцохоор бэлтгэлээ хангаж байна. 


    Тодруулбал "Танкийн биатлон" тэмцээнд дэлхийн 22 орны тус бүр 3 экипаж, нийт 66 экипаж  эхний шатанд өрсөлдсөнөөс хагас шигшээ уралдаанд 12 орон шалгарлаа. Монгол Улсын баг тамирчид хагас шигшээ тэмцээнд 6 дугаар байранд шалгаран өмнөх жилүүдийнхээ амжилтыг ахиулж чадлаа. 2016, 2017 онуудад дэлхийн 19 улсаас хагас шигшээд 8 дугаарт тунан үлдэж байсан бол энэ жил манай танкчид хуримтлуулсан туршлага дээрээ үндэслэн аргагүй л шилдэг гэдгээ оролцогч орнууддаа харуулсаар байна. 

 


     Монгол Улсын Зэвсэгт хүчний 016, 311, 327, 336, 150, 186 - дугаар анги, Үндэсний батлан хамгаалахын их сургуулиас бүрдсэн шилдэг 4 экипаж энэ жилийн тэмцээнд чамгүй сайн амжилт үзүүлэн оролцсоор байна. Монгол Улсын  шигшээ багийн  1, 2, 3 дугаар экипажууд тэмцээн эхэлсэн өдрөөс л Ангола, Лаос, Венесуель улсын багуудтай уралдаж гараа бүр дээрээ түрүүлсээр хагас шигшээ тэмцээнд шалгарч үлдлээ.


     Хагас шигшээ уралдаанд өрсөлдөх 12 баг уралдах өдөр болон, танкийн өнгийг сугаллаа. Гуравдугаар экипажийн буудагч, ахлагч Түвшинжаргалын Молом өмнө нь улаан өнгийг сугалж байсан бол энэ удаад мөн л улаан өнгийг сугалсан. Сугалаа ёсоор  8 дугаар сарын 8-ны өдөр манай багийн 3 экипаж буухиа хэлбэрээр ОХУ, Армян, Венесуель улсын шигшээ багуудтай өрсөлдөхөөр болоод байна.

 

 

Та алдаатай текст байвал идэвхжүүлээд Ctrl+Enter дарж илгээнэ үү.
Та мэдээ илгээх бол энд дарж илгээнэ үү.
Сэтгэгдэл илгээх 0 Таны сэтгэгдэл бусдад нөлөөлөх хүчтэй
Сэтгэгдэлүүд
Нийт: (0)

 

АНХААРУУЛГА: Уншигчдын бичсэн сэтгэгдэлд ekhsurvalj.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77114907 утсаар хүлээн авна.