Токиогийн олимпийн найдвар 11 настай Скай Броун хүнд гэмтэл авчээ

2020-06-03 12:00

 

Дөнгөж 11 насандаа Токиогийн олимпийн эрх авсан Их Британийн скейтбордын тамирчин Скай Браун бэлтгэл дээрээ үсрэлт хийх үеэрээ өндрөөс унан эмнэлэгт хүргэгджээ.

 

Эмнэлэгт хүргэгдсэн Скай Браун “Би хүмүүст унаж байгаагаа харуулж эсвэл бэртэл гэмтлийнхээ талаар ярихыг хүсдэггүй. Хүмүүс миний хийж байгаа зүйлийг хараад хөгжилтэй байгаасай гэж хүсдэг. Гэхдээ саяны уналт бол миний амьдралдаа унаж байсан хамгийн аюул дагуулсан уналт байлаа. Би хүн бүхэнд зүгээр гэдгээ мэдэгдмээр байна. Заримдаа унах нь байдаг л зүйл. Хурдхан эдгэрээд илүү хүчтэй болоод эргэн ирнэ. Дэлхий даяар одоогийн байдлаар олон зүйл өрнөж байна. Гэвч хүн бүхнийг хийж байгаа зүйлээ аз жаргалтай, баяр баясалтайгаар хийгээсэй гэж би хүсч байна” хэмээн ярьжээ.

 

Скай Браун Япон улсын Мияазаки хотод төрсөн бөгөөд түүний ээж нь Япон, аав нь Их Британи хүмүүс юм

 

Харин Youtube дээр нийтэлсэн бичлэгнийхээ тайлбар дээр нь “Одоохондоо энэ бол миний унаж байсан хамгийн муу уналт байлаа. Миний дуулга болон тохойн хамгаалалт маань намайг аварлаа. Гэхдээ энэ намайг зогсоохгүй ээ. Би 2021 онд Токиод алтан медаль авах болно. Хүчтэй бай, эерэг бай” хэмээн бичжээ.

Та алдаатай текст байвал идэвхжүүлээд Ctrl+Enter дарж илгээнэ үү.
Та мэдээ илгээх бол энд дарж илгээнэ үү.

Төстэй сэдэв

Сэтгэгдэл илгээх 0 Таны сэтгэгдэл бусдад нөлөөлөх хүчтэй
Сэтгэгдэлүүд
Нийт: (0)

 

АНХААРУУЛГА: Уншигчдын бичсэн сэтгэгдэлд ekhsurvalj.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 80127556 утсаар хүлээн авна.