НБА: М.Брогдон, Ж.Паркер, Б.Хилд нар халдвар авчээ

2020-06-25 13:07

 

Хойд Америкийн үндэсний сагсан бөмбөгийн холбоо буюу NBA ирэх долдугаар сард эргэн ирэх эсэх нь улам эргэлзээ дагуулж эхэллээ. Тус холбоо эхлээд тоглогчдын эсэргүүцэлтэй нүүр тулсан бол одоо цар тахалтай нүүр тулаад байна. Өчигдөр/2020.06.24/ Денвер Наггетс багийн од тоглогч Никола Йокич болон өрнөд бүсийн плэй-оффын байрлалын төлөө өрсөлдөж буй багуудын дөрвөн тоглогч шинэ коронавирусийн халдвар авсан нь тогтоогдсон. Тэгвэл өнөөдөр/2020.06.25/ Индиана Пэйсерс багийн Малколм Брогдон болон Сакраменто Кингс багийн хослол болох Жабари Паркер, Бадди Хилд нар халдвар авсан нь шинжилгээний явцад тогтоогджээ.

 

Энэ тухай Малколм Брогдон “Би саяхан covid вирусийн халдвар авснаа мэдлээ. Одоогоор тусгаарлалтанд байна. Би эмчилгээгээ хийлгэж, сайн байгаа. Ирэх долдугаар сард багтайгаа Орландо хотод эргэн нэгдэхээр төлөвлөж байна” хэмээжээ. Харин Жабари Паркер “Хэд хоногийн өмнө би covid-19 өвчний халдвар авчээ. Халдвартай гэдгээ мэдсэн даруйдаа л Чикаго хотод тусгаарлалтад орсон. Эмчилгээгээ хийлгэж, бие маань сайжирч байна. NBA-ийн улирал үргэлжлэх үед Орландогийн талбай дээр багийнхантайгаа нэгдэх болно” хэмээн мэдэгджээ.

 

Харин Бадди Хилдийн талаар албан ёсны мэдэгдэл гараагүй байна. Ийнхүү одоогийн байдлаар Сакраменто Кингс багийн Бадди Хилд, Жабари Паркер, Алекс Лен зэрэг тоглогчид цар тахлын халдвар аваад байгаа юм.

 

Мөн саяхан Лос Анжелес Лэйкерс багийн гол тоглогчдын нэг Эвери Брэдли энэ улиралд дахин тоглохгүй гэдгээ мэдэгдсэн. Тэрбээр өөрийн хүүхдүүд болон ойр дотныхоо хүмүүст халдвар тараахгүй байхыг хүсчээ.

 

NBA үргэлжлэн явагдах АНУ-ын Флорида муж шинэ коронавирусийн халдвар авсан тоогоороо улсдаа дээгүүр байр эзэлж байна. Тус хотын нийт 106 мянга гаруй оршин суугч халдвар авсан гэсэн үзүүлэлттэй байгаа аж.

 

 

Та алдаатай текст байвал идэвхжүүлээд Ctrl+Enter дарж илгээнэ үү.
Та мэдээ илгээх бол энд дарж илгээнэ үү.
Сэтгэгдэл илгээх 0 Таны сэтгэгдэл бусдад нөлөөлөх хүчтэй
Сэтгэгдэлүүд
Нийт: (0)

 

АНХААРУУЛГА: Уншигчдын бичсэн сэтгэгдэлд ekhsurvalj.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 80127556 утсаар хүлээн авна.