ОХУ covid-19-ийн эсрэг 3 дахь вакцинаа бүртгэлээ

2021-02-22 11:42

 

 

ОХУ-д Бямба гаригт /2021.02.20/ covid-19 халдвараас урьдчилан сэргийлэх гурав дахь вакцинаа дотоодын хэрэгцээнд ашиглахаар бүртгэжээ. "CoviVac" хэмээх нэртэй уг вакциныг Чумаковын нэрэмжит төвийн эрдэмтэд боловсруулсан байна. Одоогоор тус вакцины гуравдугаар шатны эмнэлзүйн туршилт эхлээгүй байгаа ч гуравдугаар сарын дундуур 120 мянган тун вакциныг хэрэглээнд нэвтрүүлнэ хэмээн Ерөнхий сайд Мишустин мэдэгджээ.

"CoviVac"-ийг вакцин хийлгэсний дараа харшил өгдөг хүмүүс, бие давхар эмэгтэйчүүд болон хүүхдэд хийж болохгүй гэнэ.

Үүнээс өмнө ОХУ Гамалейн нэрэмжит төвийн боловсруулсан "Спутник V" болон "Вектор" төвийн "EpiVacCorona" гэсэн хоёр вакциныг дотоодын хэрэгцээнд ашиглахаар бүртгэсэн юм. Ингэснээр ОХУ нь дотооддоо covid-19 өвчний эсрэг хамгийн олон вакцин бүртгэсэн улс болж байна. “Sputnik V” вакцины хувьд эхэндээ үр дүнгийн хувьд эргэлзээ төрүүлж байсан ч саяхан Барууны улс орнууд хүлээн зөвшөөрч, covid-19-ийн эсрэг 91 хувийн үр дүн үзүүлсэн нь нотлогдсон билээ.

Эх сурвалж: ВВС

Та алдаатай текст байвал идэвхжүүлээд Ctrl+Enter дарж илгээнэ үү.
Та мэдээ илгээх бол энд дарж илгээнэ үү.

Төстэй сэдэв

Сэтгэгдэл илгээх 0 Таны сэтгэгдэл бусдад нөлөөлөх хүчтэй
Сэтгэгдэлүүд
Нийт: (0)

 

АНХААРУУЛГА: Уншигчдын бичсэн сэтгэгдэлд ekhsurvalj.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 80127556 утсаар хүлээн авна.